लातूरच्या फिजिओथेरपीच्या विद्यार्थ्याला कर्जतमध्ये सिनिअर्स कडून मारहाण- डॉ.एन.वाय. तासगांवकर कॉलेज ऑफ फिजिओथेरपी चांदई (ता. कर्जत) येथे याबाबत कर्जत पोलिस ठाण्यात (जि. रायगड) दहा ते अकरा जणांविरुद्ध गुन्हा नोंद झाला आहे. लातूर येथील पाखरसांगवी रोड खाडगाव परिसरातील रहिवासी असलेला अरहंत मनोज लेंडाणे हा विद्यार्थी डॉ.एन.वाय. तासगांवकर कॉलेज ऑफ फिजिओथेरपी चांदई, ता. कर्जत येथे प्रथम वर्षात शिकत आहे.
प्रथम वर्षात शिकत असलेल्या लातूरच्या विद्यार्थ्याला एका विद्यार्थ्याला वसतिगृहातील त्याच्या सिनिअर्सकडून इन्स्टाग्राम अकाउंटवर केवळ मिम्स बनविल्याचा संशय घेऊन जबर मारहाण झाल्याची घटना घडली आहे. महाविद्यालयाच्या हॉस्टेलमध्ये रुम नं. ए, ०२ मध्ये निवासी आहे.
दिनांक २ जून रोजी महाविद्यालयात परीक्षा देऊन आल्यानंतर हॉस्टेलमधील रुमवर दुपारी १ वाजता येऊन त्याने आराम केला. त्यानंतर संध्याकाळी ६ वाजता हॉस्टेलवर एक वर्षाने सिनिअर असणारे विद्यार्थी रुमवर आले. त्यांनी ‘तासगांवकर मिम’ हे इन्स्टाग्राम अकाऊंट कोणाचे आहे, अशी विचारणा त्याला केली. माझे नाही असे सांगितल्यानंतर त्यांनी मला जबर मारहाण केली.
त्याचबरोबर हे प्रकरण एवड्यावरच न थांबता, मारहाणीचे शूटिंग देखील केले गेले, त्याचसोबत चपराशी बनायची लायकी नाही आणि डॉक्टर बनायला आला असे म्हणून हिणवणी आणि मारहाण केली गेली. या मारहाणीचे शुटिंग केले, असे अरहंत लेंडाणे याने कर्जत पोलिस ठाण्यात दिलेल्या फिर्यादीत म्हटले आहे. त्यानुसार दहा ते अकरा जणांविरुद्ध गुन्हा नोंद करण्यात आला आहे.
