मराठी मनोरंजनसृष्टीतील प्रसिद्ध नृतिका आणि अभिनेत्री गौतमी पाटील पुन्हा एकदा चर्चेचा विषय ठरली आहे. सोशल मीडियावर तिच्या नवीन गाण्याच्या शूटिंगचा व्हिडीओ प्रचंड व्हायरल होत असून, तिच्या चाहत्यांमध्ये या गाण्याबद्दल उत्सुकता वाढली आहे.
गौतमी पाटीलने तिचा प्रवास एक डान्सर म्हणून सुरू केला होता. मात्र तिच्या अप्रतिम नृत्यकौशल्यामुळे आणि आकर्षक शैलीमुळे तिला लवकरच ओळख मिळाली. आज ती केवळ डान्स शोसाठीच नाही, तर सिनेमा, मालिकांमधून आणि संगीत व्हिडिओंमधूनही प्रेक्षकांच्या मनात घर करून बसली आहे. मनोरंजनाच्या विविध माध्यमांतून ती आपली छाप सोडत आहे.
सध्या गौतमी एका नव्या गाण्यासाठी शूटिंग करत असून, त्या गाण्याचा सेटवरील एक व्हिडीओ सोशल मीडियावर झपाट्याने व्हायरल होत आहे. या व्हिडीओत गौतमी पारंपरिक पोशाखात दिसत असून, तिचे डान्स मूव्ह्ज आणि एक्सप्रेशन्स नेहमीप्रमाणे जबरदस्त आहेत. चाहत्यांकडून या व्हिडिओला भरघोस प्रतिसाद मिळत आहे आणि अनेकांनी तिच्या लूकचं आणि नृत्यशैलीचं कौतुक केलं आहे.
गौतमीची लोकप्रियता दिवसेंदिवस वाढत चालली आहे. छोट्या स्क्रीनपासून मोठ्या स्टेजवर पोहोचलेली गौतमी, आता संगीत व्हिडीओंसाठी निर्मात्यांची पहिली पसंती बनली आहे. तिच्या डान्स शोसाठी अजूनही तितकीच मागणी आहे आणि ती महाराष्ट्राच्या कानाकोपऱ्यात कार्यक्रम करताना दिसते. एंजल्स डान्स अकादमी पुणे यांनी गौतमी पाटीलच्या डान्स प्रॅक्टिसचा व्हिडिओ व्हयरल केला आहे.
या नव्या गाण्याबद्दल गौतमीच्या चाहत्यांमध्ये प्रचंड उत्सुकता आहे. गाण्याचं नाव आणि प्रकाशन दिनांक अद्याप जाहीर करण्यात आलेलं नाही, मात्र व्हिडीओमुळे चाहत्यांमध्ये अपेक्षा अधिक वाढल्या आहेत. अनेक चाहते सोशल मीडियावर तिच्या नव्या गाण्याची वाट पाहत असल्याचं दिसतंय.
