ट्रेनमध्ये एका विक्रेत्याने वडा पाव विकण्यासाठी चक्क लाडकी बहिण योजनेचा वापर केला. हा व्हिडीओ १४ लाखांहून अधिक वेळा पाहिला गेला असून सोशल मीडियावर जोरदार चर्चेत आहे. हा व्हिडीओ पाहून खरंच तुम्हाला हसू आवरणार नाही.
सध्या सोशल मीडियावर एक व्हिडीओ जबरदस्त व्हायरल होत आहे. ट्रेनमध्ये चटपटीत वडापाव विकणारा एक मराठी तरुण आणि त्याच्या विक्रीची धमाल पद्धत पाहून लोक हैराण झाले आहेत. मात्र या व्हिडीओच्या पाठीमागची खरी गोष्ट अधिक प्रेरणादायी आहे – आणि ती म्हणजे “लाडकी बहिण योजना”चा वापर करून व्यवसाय सुरू करणाऱ्या तरुणाची शक्कल!
हा तरुण सांगतो की, त्याच्या बहिणीने लाडकी बहिण योजनेअंतर्गत मिळालेला निधी त्याला दिला. त्याने त्यातून वडापाव विक्रीचा छोटा व्यवसाय सुरू केला. पण हा वडापाव काही साधा नाही! तो मुंबई लोकल ट्रेनमध्ये गरमागरम दिला जातो आणि विक्रीची पद्धतही तितकीच मनोरंजक आहे – डायलॉग्स, मस्त जोक्स आणि भन्नाट अंदाजात ग्राहकांना आकर्षित करण्याची कला त्याच्याकडे आहे.
सोशियल मीडिया मुळे व्हिडीओ झाला व्हायरल
हा तरुण मुंबई लोकल ट्रेनमध्ये वडापाव विकताना एक व्हिडीओमध्ये दिसतो. त्या व्हिडीओत तो म्हणतो, “म्हणजेच… गरम आहे, घ्या तर घ्या, नाहीतर पुढच्या स्टेशनवर संपून जाईल!” – अशा विनोदी आणि उत्साही पद्धतीने तो प्रवाशांना आकर्षित करतो. व्हिडीओ पाहून लोक केवळ हसतातच नाहीत, तर त्याच्या मेहनतीचं कौतुकही करतात.