आजकावल वाढलेले युरिक अ‍ॅसिड हे अनेक आरोग्य समस्यांचं मूळ ठरत आहे. सांध्यांमध्ये वेदना, पायाच्या अंगठ्यात सूज, किडनी स्टोन, अंगठ्यांमध्ये जळजळ यांसारखी लक्षणं दिसू लागली, तर ती युरिक अ‍ॅसिड वाढल्याची गंभीर चेतावणी असू शकते. परंतु ही समस्या वेळीच लक्षात घेतली, तर ती घरगुती व नैसर्गिक उपायांनी सहज नियंत्रित करता येते. भारतातील प्रसिद्ध डॉक्टर सलीम झैदी यांनी अशाच काही प्रभावी उपायांची शिफारस केली आहे – तेही फक्त 5 ते 10 रुपयांत मिळणाऱ्या नैसर्गिक घटकांमधून
१. काकडी – नैसर्गिक डिटॉक्सिफायर
काकडी ही अतिशय हलकी आणि ९५% पाण्याने भरलेली फळभाजी आहे. ती प्युरिन कमी असलेली असल्यामुळे युरिक अ‍ॅसिडच्या रुग्णांसाठी अत्यंत फायदेशीर ठरते. काकडीचे सॅलड खाल्लं तरी चालेल, पण तिचं पाणी तयार करून प्यायल्यास शरीर डिटॉक्स होण्यास मोठी मदत होते. यासाठी एक काकडी, लिंबाचे काही तुकडे आणि पुदिन्याची पाने पाण्यात टाकून दिवसभर हे अल्कलाईन वॉटर प्यावे. हे पाणी युरिक अ‍ॅसिडसह इतर विषारी घटक बाहेर टाकतं आणि सांधेदुखी कमी करतं.
२. जवस (Flaxseed/Barley) – नैसर्गिक यूरिक अ‍ॅसिड क्लिन्झर
आयुर्वेदात जवस हे शक्तिवर्धक, रक्तशुद्धी करणारे आणि शरीरातील घाण बाहेर टाकणारे धान्य मानले जाते. यामध्ये युरिक अ‍ॅसिड काढून टाकणारे घटक असतात. रोज सकाळी जवसाचं पाणी प्यायल्यास किडनीचं कार्य सुधारतं आणि शरीरातील टॉक्सिन्स मूत्रमार्गाने बाहेर टाकले जातात. तसेच, जवसाची लापशी किंवा चटणीही खाल्ल्यास त्याचा फायदा होतो. या उपायामुळे सांधेदुखी कमी होते आणि सूज नियंत्रणात राहते.
३. व्हिटॅमिन C युक्त फळं – प्रतिकारशक्ती आणि स्वच्छ मूत्रमार्ग
आवळा, संत्रं, पेरू, लिंबू यांसारख्या आंबट फळांमध्ये व्हिटॅमिन C भरपूर प्रमाणात असतं. हे अँटीऑक्सिडंट शरीरातील साचलेलं युरिक अ‍ॅसिड लघवीमार्फत बाहेर टाकण्याचं काम करतं. दररोज सकाळी किंवा नाश्त्यात यापैकी कुठलंही एक फळ खाल्ल्यास युरिक अ‍ॅसिड नियंत्रित होतं आणि रोगप्रतिकारक शक्ती वाढते.
योग्य जीवनशैली + घरगुती उपाय = संधिवातापासून मुक्ती
डॉक्टर सलीम सांगतात की, युरिक अ‍ॅसिड नियंत्रणात ठेवण्यासाठी आहारासोबतच पुरेशी झोप, व्यायाम आणि पाण्याचं प्रमाण महत्त्वाचं आहे. यासोबत वरील घरगुती उपाय नियमितपणे केल्यास औषधाशिवायही सांधेदुखी आणि संधिवातावर मात करता येते.
